Saturday, June 7, 2008

மூழ்கி போய்!!!

பிண்ணி பிணைந்து
குழப்ப சிக்கலாகி போனேன்...
உன்னால்
வண்ண குழும்பின் உள்!!!
சப்த இரைச்சல்கள் மேல்!!!
இப்போதோ
எண்ணங்களின் கூட்டில்
ஓசை இல்லாத பரந்த நிசப்தம்...
மிதந்து கொண்டே இருக்கிறேன்
வெளிச்சத்தின் வெப்பத்தில்...
உண்மைகளின் வேகம் தாக்கும் இங்கே
ஆன்மாக்களின் கூக்குரல் கேக்கும்
இன்பத்தின் உச்சமும் நிற்கும் எதிரே!
உயிரை சுற்றி
வட்ட வட்ட நீர் திவலைகள் போல
பந்தங்கள்!
அடுத்தடுத்து உருவாகி
வளர வளர
தூர தூரமாய் பிரிவோம்...
கடந்த காலங்களின் கைப்பு
நிமிட நேர கண்ணீர் துளி
கோபத்தில் கொட்டிய வார்த்தை சவுக்குகள்
எதிர் காலத்தை நோக்கிய பார்வை
எல்லாம் மாற்றும்
இதயத்தின் வடிவை!!!
சதுரமா ?
வட்டமா ?
இல்லை
வெறும் சதை தானா ?
மூச்சி நிற்கும் வரை
போராட்டம் தான்
வெறுமையின் விளிம்பில்
இருப்பினும்
என் நாளை
மாறலாம்!!!
எனக்கு கிடைக்காத நாளை
என் உயிருக்கு
நான் தர எண்ணி
குழப்ப கூட்டில்
மூழ்கி மூழ்கி
என் தினங்களில்
மிதக்கிறேன்...